Sevinch Muminova

Sevinç Mominova Tolibovna 30 iyun 1982-ci ildə Özbəkistanın Fərqanə vilayətinin Oltiarıq rayonunda sənətkar ailəsində dünyaya gəlib. Uşaqlıqdan musiqiyə böyük maraq göstərib və artıq 5-6 yaşlarında ifaları ilə ətrafındakı insanları valeh etməyə başlayıb. Məktəbi bitirdikdən sonra Daşkənddəki Mannon Uygur adına Dövlət Mədəniyyət İnstitutunun rejissorluq fakültəsini bitirib. Onun anası azərbaycanlıdır, bu səbəbdən həm özbək, həm də azərbaycan dilində ifaları ilə tanınır.

Müğənni kimi ilk böyük çıxışı “Navruz” bayramında ifa etdiyi “Tolin oy” mahnısı ilə olub. Sonrakı illərdə “Sogindim”, “Yuragim nolasi”, “Yagonam”, “Olib ket”, “Sevasan meni” adlı albomlarını təqdim edib. Karyerası ərzində 6 musiqi albomu yaradan Sevinç Mominova “Gömleğim”, “Söz verməyin”, “Al götür” və “Yalan söyleyen ortak” kimi mahnıları ilə də böyük populyarlıq qazanıb.

Sevinç yalnız Özbəkistan daxilində deyil, həm də Rusiya, ABŞ, Azərbaycan, Türkiyə, Türkmənistan, Əfqanıstan və Qırğızıstanda geniş dinləyici kütləsi qazanıb. O, eyni zamanda bir sıra özbək filmlərində də aktrisa kimi rol alıb. İstedadı və fəaliyyəti sayəsində “Zulfiya” Dövlət mükafatı ilə təltif olunub. 2010-cu ildə Şerof Muqimov ilə ailə həyatı qurub.